Фото Facebook парақшасынан алынды, авторы: Казис Тоғызбаев
Алматыда 75 жасқа қараған шағында журналист, қоғам қайраткері, оппозициялық саясаткер Жасарал Қуанышәлин қайтыс болды. Қаралы хабарды белсенді Ниязбек Юсупов растады.
Белсендінің айтуынша, 18 мамырда түстен кейін дәрігерлер Жасарал Қуанышәлинді "жасанды тыныс аппаратына жалғаған, алайда оның жүрегі шыдамаған".
Айта кетейік, қоғам қайраткері 16 мамырда аурухананың реанимация бөліміне түскен еді.
Жасарал Қуанышалин 1949 жылы 7 сәуірде Ақтөбе облысының Қарабұтақ ауданында дүниеге келген.
1966-1967 жылдары Ақтөбе қаласындағы №7 ПТУ-да "автокран машинисі" мамандығында оқыған. 1972-1978 жылдары Киров атындағы ҚазМУ-дың филология факультетін "орыс тілі мен әдебиеті оқытушысы" мамандығы бойынша тәмамдаған. Сондай-ақ 1998 жылы әл-Фараби атындағы Қазақ ұлттық университетінің заң факультетін сырттай бітірген.
1994-1995 жылдары Қазақстан Жоғарғы кеңесінің депутаты болған.
Қазақстан Журналистер одағының мүшесі.
1755 рет оқылды
