Ішкі істер министрі Марат Ахметжанов жуықта ұсталған Павлодар облысы полиция департаментінің бастығы Нұрлан Мәсімовтің ісіне қатысты деректермен бөлісті, деп хабарлайды Sputnik Қазақстан.
"Павлодар облысы полиция департаментінің бұрынғы басшысы мен оның орынбасары бюджет қаржысын жымқырды деген күдікке ілінді. Тергеудің пікірінше, олар материалдық-техникалық қажеттіліктерге жұмсалған ақшаның сомасын ұлғайтып көрсеткен", - деді ол.
Оның айтуынша, олармен сыбайластық орнатып полиция департаментіне құрылғыларды басқа бағамен жеткізген кәсіпкерлер де ұсталды.
Естеріңізге сала кетейік, полиция генерал-майоры Нұрлан Мәсімов пара алды деген күдікке ілінгені туралы хабарлаған едік.
"Павлодар облысы бойынша сыбайлас жемқорлыққа қарсы қызметі Павлодар облысы полиция департаментінің экс-бастығы полиция генерал-майоры Нұрлан Мәсімовке қатысты аса ірі мөлшерде пара алды деген күдікпен сотқа дейінгі тергеуді бастады", - делінген Сыбайлас жетқорлыққа қарсы іс қимыл агенттігінің хабарламасында.
Агенттік мәліметіне сәйкес, тергеу соты істі "күзетпен ұстау" түріндегі бұлтартпау шарасымен санкциялады.
Қазіргі уақытта Нұрлан Мәсімовке іздеу жарияланды. Әзірге оның қайда екені белгісіз.
1105 рет оқылды
_80_80.jpg)
