Ұлттық экономика министрі Әлібек Қуантыров Қазақстанға келіп жатқан ресейліктер туралы ойын айтты, - деп хабарлайды Tengrinews.kz.
"Мобилизацияға байланысты келіп жатқан ресейліктерге қатысты жағдай бұл уақытша құбылыс, олардың көбі ары қарай Қазақстаннан өзге елдерге кетеді. Сондықтан бұл - уақытша құбылыс. Әрине, белгілі бір деңгейде инфрақұрылымға "қысым" бар, оның бәрін тез арада шешеміз", - деді министр Үкімет отырысынан кейін.
Қуантыров Қазақстанға келіп жатқан ресейліктер елде тек 90 күн ғана бола алатынын еске салды.
"Келіп жатқан ресейліктерге халқымыз көмектесіп жатыр, шекарамыз ашық, халықаралық міндетімізді орындап отырмыз, ашық болу - біздің ұстанымымыз. Бірақ бекітілген заң бойынша ғана жұмыс істеп отырмыз. Елге келіп жатқан азаматтар Қазақстанда 90 күн ғана бола алады. Әрине, әртүрлі әлеуметтік қауіп бар, бірақ оның алдын алу үшін жұмыстанып жатырмыз", - деді министр.
540 рет оқылды
