Мемлекет басшысы Қасым-Жомарт Тоқаев қыркүйекте сот жүйесіне қатысты реформалар топтамасын жария ететіндігін айтты, деп хабарлайды ҚазАқпарат.
«Құқық қорғау жүйесін реформалауға қатысты айтар болсам, қыркүйекте сот жүйесін қайта пішімдеумен байланысты реформалардың жаңа топтамасын жария ететін боламын. Бұл - Қазақстан үшін өзекті проблема. Қазір полиция қызметін реформалау жүріп жатыр. Ол қиындықпен өтуде. Бұл – реформа. Дегенмен, түптеп келгенде біз табысқа қол жеткіземіз. Бастысы – саяси ерік-жігер және ел азаматтарының қолдауы», - деп атап өтті Қазақстан Президенті Санкт-Петербург халықаралық экономикалық форумында.
Қасым-Жомарт Тоқаев еліміздің құқық қорғау саласында солқылдақ тұстың да болғанын жасырмады.
«Біресе ізгілендірдік, енді бірде қатаңдаттық. Не қалайтынымызға қатысты түсінік болмады. Қазір біз азаматтарымыздың қажеттілігіне нақты негізделген «оңтайлы тұсты» таптық, - деді Мемлекет басшысы.
Президенттің атап өтуінше, азаматтар полицейлерден сатылмайтын қорғаушыны көргісі келетінін баса айтты.
528 рет оқылды
