Келіссөздер Сириядағы жағдайды өзгертуге көмектеседі, деді Ресей президентінің өкілі Александр Лаврентьев. Бұл туралы Sputnik агенттігі жазды.
"Ресей Нұр-Сұлтандағы келіссөздердің алғашқы күнінің нәтижесін оң бағалайды, олар Сириядағы жағдайды өзгертуге көмектеседі", - деп мәлімдеді ол.
Астана процесіне қатысушылардың екіжақты кездесулері бейсенбіде Нұр-Сұлтанда Сирия бойынша келіссөздер аясында басталды. Сирия бойынша келіссөздердің келесі кезеңінің нақты келісімдері туралы айтуға әлі ерте, келіссөздер жұмада жалғасады, деп атап өтті Лаврентьев.
"Ертеңге дейін біздің үш кепілгер елдің бірлескен мәлімдемесінің мәтінімен толық келісе аламыз деп үміттенемін. Саяси процесті жеделдетудің келесі қадамдарының саяси аспектілеріне, ең алдымен, конституциялық комитетті құруды аяқтау және оның жұмысын Женева алаңында бастау туралы мәселелерге ерекше назар аударылды"- деді Лаврентьев журналистерге брифингте.
ҚР СІМ хабарлауынша, Астана процесінің барлық қатысушысы Қазақстанның елордасына келді.
1479 рет оқылды
