Фото: primeminister.kz
Ұлттық экономика министрі Әлібек Қуантыров тілек тілеудің отбасылық дәстүрі туралы айтты, деп хабарлайды Sputnik Қазақстан.
Бүгін Cенат отырысынан кейін журналистер министрден жаңа жылдың алдындағы отбасылық дәстүрлер, өзгеге ұқсамайтын ырымдар туралы сұрады. Министрдің өз тілектерін қағазға жазып, гүл отырғызатын қыш құмыраға бір жылға көміп қоятынын айтты.
"Ерекше бір отбасылық дәстүр, ол - тілек тілеу дәстүрі. Тілек қағазға жазылады да, қыш құмыраға бүктеліп салынады, сосын жермен жабылады. Келесі жылда қазып аламын", - деді Қуантыров.
Осы орайда журналистер: "Министр болуды да солай тіледіңіз бе?", - деп сұрақ қойды. "Жоқ, министр болуға тілек жазған жоқпын. Бірақ басқа тілектерім орындалды. Мәселен, Гарвардқа түсуді тіледім, түстім. Бірақ кете алмадым, биыл министр қызметіне тағайындап қойды", - деп атап өтті Қуантыров.
977 рет оқылды
