Қостанайдың орталық көшелерінің бірінде адам өлімі болды, күдікті ұсталды, деп хабарлайды "Ұлт ақпарат" Қостанай облысы полиция департаментінің баспасөз қызметіне сілтеме жасап.
«Бүгін 19:00-де полиция қызметкерлері әйел адамның өліміне күдікті Қостанай қаласының 37 жастағы тұрғынын ұстады. Қазіргі уақытта марқұмның кім екені анықталып жатыр», деп хабарлады ведомство.
Қылмыс Баймағамбетов көшесінде жасалған.
ҚР ҚК 99-бабы («Адам өлтіру») бойынша сотқа дейінгі тергеу басталды.
Қылмыстың себептері тексеріліп жатыр.
798 рет оқылды
