Видеодан алынған кадр: КТК
Kcell компаниясы Түркістан облысының Қазығұрт ауданына қарасты Аққұм ауылында интернеттің сапасыз болу себебін атады, деп хабарлайды ҚазАқпарат.
«Қазығұрт ауданы Алтынтөбе ауылдық округі Аққұм елді мекеніне 2020 жылдың желтоқсан айында Kcell операторының базалық станциясы орнатылған болатын. Өкінішке қарай, жер бедерінің күрделілігіне және жердегі трансмиссияның болмауына байланысты – сол кездегі байланыспен қамтудың жалғыз мүмкін болар жолы спутник арқылы қосылу еді. Спутниктік трансмиссияда деректерді беру арнасы сапалы интернет байланысын қамтамасыз етуге жеткіліксіз», - деп атап өтеді компания агенттік тілшісінің сауалына орай.
Байланыс операторы абоненттерінің жылдам интернетке деген қажеттілігін түсінетінін және осы бағытта қажетті әрекеттерді жүзеге асырып келе жатқанын мәлімдеді.
«Нақтырақ айтқанда, қазіргі уақытта жергілікті атқарушы органмен ұйымдастыру мәселелерін шешіп жатыр. Байланыс операторы өз құрылғыларын орнатуы үшін жергілікті атқарушы органдар инфрақұрылыммен, яғни антенна-діңгек құрылысын салып, оны электр энергиясымен қамтамасыз етуі тиіс. Сонда ғана байланыс операторы радиорелелік көпірді іске асыруға және ауылды сапалы мобильді интернетпен қамтамасыз етуге мүмкіндік алады», - деді компаниядан.
544 рет оқылды
_140_110.webp)
