Мирболат Аюпов "Қазтелерадио" АҚ басқарма төрағасы болып тағайындалды, - деп хабарлайды "Ұлт ақпарат" Ақпарат және қоғамдық даму министрлігінің баспасөз қызметіне сілтеме жасап.
"Ақпарат және қоғамдық даму министрінің бұйрығы бойынша Мирболат Маратұлы Аюпов "Қазтелерадио" АҚ басқарма төрағасы болып тағайындалды", - делінген хабарламада.
Мирболат Хайратұлы Аюпов 1963 жылы 26 тамызда Қарағанды қаласында дүниеге келген. Мәскеу инженерлік-физика институтының кибернетика факультетін бітірген.
1986 жылдары Қарағанды Мемлекеттік техникалық университетінде ғылыми және оқытушылық қызметтер атқарды.
1998 жылдары "Алтел" АҚ және "Қазақтелеком" АҚ компанияларында басшылық қызмет атқарған. Әр жылдары "Транстелеком" АҚ, "Зерде" Ұлттық инфокоммуникация холдингі" АҚ, "Қазмедиа орталығы" басқарушы компаниясы" ЖШС-ін басқарған. Байланыс және телекоммуникация, сондай-ақ, телевизия технологиялары саласында 20 жылдан астам басшылық қызметтерді атқарып келді.
"Құрмет" орденінің, Қазақстан Республикасындағы басқа да бірқатар медальдар иегері, "Құрметті байланысшы" деген атағы бар.
Ведомство мәліметінше, "Қазтелерадио" АҚ басты мақсаты – халыққа телерадио хабарларын таратудың түрлі желілерінде мемлекеттік бағдарламаларды тегін қабылдау мүмкіндігін қамтамасыз ету.
"Бұл ретте бірінші кезектегі міндеттер цифрлық эфир телехабарын таратуды енгізу, жерсеріктік телерадио хабарларын тарату желісін, мемлекеттік хабар тарату желілерін дамыту, интернет-хабар таратуды кеңейту және мемлекеттік ақпараттық саясат жүргізуді қамтамасыз ету", - делінген хабарламада.
1295 рет оқылды
_80_80.jpg)
