Қазақстанда жыл басынан бері 85 бала көпқабатты үйлердің терезесінен құлап кеткен, деп хабарлайды "Ұлт ақпарат".
ҚР ІІМ Төтенше жағдайлар комитетінен мәлім еткендей, құлаған балалардың жасы 1-8 жас аралығында. Салдарынан 8 бала қаза болып, 77-сі ауруханаға жеткізілді.
Бұдан бөлек, суға шомылу кезеңі басталған 1 маусымнан бүгінгі күнге дейін ел бойынша 64 бала суға батып кеткен. Олардың барлығы ересек адамдардың қарауынсыз қалған. Осы уақыт аралығында су айдындарында 24 бала құтқарылған. Айта кетсек, былтыр 82 бала судан ажал құшқан.
ТЖК ақпаратына сәйкес, Қазақстанда өткен бір тәулік ішінде ғана балалардың қатысуымен 5 оқиға болды. Оларда 4 бала қаза тауып, 3-еуі ауруханаға жатқызылды.
826 рет оқылды
