Денсаулық сақтау министрлігінің ресми өкілі Бағдат Қожахметов коронавирус инфекциясынан 114 бала ауруханада емделіп жатқанын айтты, деп хабарлайды ҚазАқпарат.
«Наурыз айынан бастап балалардың коронавирус инфекциясын жұқтырудың 2 257 жағдайы тіркелді. Оның ішінде қазіргі кезде Қазақстан ауруханаларында 114 бала жатыр», - деді ресми өкіл Орталық комунникациялар қызметінде.
Белгілі болғандай, үш жеткіншекте Кавасаки синдромы анықталды. Кавасаки синдромы күретамырларға зақым келтіреді.
«Жыл басынан бері жалпы үш жағдай тіркелді, яғни Нұр-Сұлтанда, Алматыда және Петропавлда», - деді Б. Қожахметов.
Оның сөзіне қарағанда, балалардың денсаулығы әртүрлі дәрежеде. Елордадағы баланың денсаулық жағдайы тұрақты.
«Бұл - өте күрделі синдром. Сәйкесінше, оған ерекше мән берген жөн», - деді ресми өкіл.
1107 рет оқылды
