25 ақп, 2022 сағат 13:12

Қазақстанда депозит мөлшерлемесі өсті

Қазақстанның депозиттерге кепілдік беру қоры теңгедегі депозиттер бойынша шекті мөлшерлемелерді ұлғайтады, - деп хабарлайды "Ұлт ақпарат" қордың баспасөз қызметіне сілтеме жасап.

Ұлттық Банктің базалық мөлшерлемесі ұлғайған соң, Қазақстанның депозиттерге кепілдік беру қоры 2022 жылдың ақпан және наурыз айлары үшін қысқа мерзімді депозиттер бойынша ұсынылатын ең жоғары мөлшерлемелерді көтерді.

"Сонымен қатар, теңгелік ұзақ мерзімді салымдардың тартымдылығын қолдау мақсатында 12 айлық мерзімді депозиттер бойынша 2022 жылдың ақпан және наурыз айларына ұсынылатын максималды мөлшерлемелер және 12 айлық жинақ депозиттер бойынша 2022 жылдың наурыз айына ұсынылатын максималды мөлшерлемелер ұлғайтылды", - делінген хабарламада.

Өзгерістер 2022 жылдың 24 ақпанынан бастап қолданысқа енгізіледі және осы күннен бастап, банктер өзінің депозиттік өнімдері бойынша сыйақы мөлшерлемелерін қайта қарауға құқылы.

Депозиттер санаты	Толықтырылмайтын депозиттер бойынша, %		Толықтырылатын депозиттер бойынша, %
Депозиттер санаты	Ақпан[1]	Наурыз	Ақпан1	Наурыз
Мерзімсіз депозиттер	13,0▲	13,0▲	13,0▲	13,0▲
Мерзімді депозиттер
3 ай	13,5▲	13,5▲	13,0▲	13,0▲
6 ай	13,5▲	13,5▲	13,0▲	13,0▲
12 ай	13,5▲	13,5▲	13,0▲	13,0▲
24 ай	9,4	9,4	9,2	9,2
Жинақ депозиттер
3 ай	14,0▲	14,0▲	13,5▲	13,5▲
6 ай	14,0▲	14,0▲	13,5▲	13,5▲
12 ай	14,9	14,9▲	13,7	13,7▲
24 ай	12,2	12,2	11,4	11,4