Сурет: ашық дереккөз
Қазақстанда 20 маусымнан бастап вейптерге (электрондық шылымдар) және шекпейтін темекі өнімдеріне тыйым салынады. Қылмыстық кодекске осыған байланысты жаңа 301-1 бап енгізілді, ол бойынша:
1. Сату және тарату:
- Түтінсіз темекі өнімдерін, вейптерді, хош иістендіргіштер мен сұйықтықтарды сату және таратуға тыйым салынады.
- Бұл әрекет үшін 200 АЕК-ке дейін айыппұл (2024 жылы 738 400 теңге), түзеу жұмыстары немесе 200 сағатқа дейінгі қоғамдық жұмыстар, не 50 тәулікке дейінгі қамауға алу жазасы қарастырылған.
2. Әкелу және өндіру:
- Түтінсіз темекі өнімдерін, вейптерді, хош иістендіргіштер мен сұйықтықтарды әкелу және өндіруге тыйым салынады.
- Бұл әрекет үшін 2000 АЕК-ке дейін айыппұл (2024 жылы 7 384 000 теңге), түзеу жұмыстары немесе 600 сағатқа дейінгі қоғамдық жұмыстар, не бас бостандығын шектеу жазасы тағайындалады.
- Сонымен қатар, 2 жылға дейін бас бостандығынан айыру және мүлкін тәркілеу мүмкін.
3. Аса ірі мөлшердегі қылмыстар:
- Егер бұл әрекеттер қылмыстық топпен жасалса немесе аса ірі мөлшерде табыс табылған болса, әрі бірнеше рет жасалса:
- 5000 АЕК (2024 жылы 18 460 000 теңге) мөлшерінде айыппұл,
- Түзеу жұмыстары немесе 1200 сағатқа дейінгі қоғамдық жұмыстар,
- 5 жылға дейінгі бас бостандығын шектеу немесе бас бостандығынан айыру жазасы тағайындалуы мүмкін.
4. Жарнамаға тыйым:
- Түтінсіз темекі өнімдерін жарнамалауға да тыйым салынады.
Бұл заңның енгізілуі - вейптер мен түтінсіз темекі өнімдерінің денсаулыққа зиянын азайту мақсатында қабылданған қатаң шаралардың бірі.
1491 рет оқылды
_140_110.webp)
