Көмекке мұқтаж қазақстандықтар, сондай-ақ жан-жақты көмек көрсетуге ниет білдірген демеушілер өз өтініштерін «Қазақстан халқына» қорының цифрлық платформасы арқылы бере алады, - деп хабарлайды ҚазАқпарат.
www.qazaqstanhalqyna.kz сайты – кез келген адам жобалар бойынша жаңалықтармен, қаражаттың түсуі мен жұмсалуы бойынша қаржылық есептермен, жүзеге асырылған жобалардың нәтижелерімен таныса алатын ақпараттық портал.
Қайырымдылық көмекке қалай жүгінуге болатыны туралы қадамдық нұсқауларды «Өтінішті қалай бере аламын» бөлімінен білуге болады.
Осылайша, пайдаланушылар автоматты түрде www.atamekenim.kz порталына Қайырымдылық ұйымдарының бірыңғай платформасына жіберіледі. Өтінішті қарауды өтініш беруші жататын және өтініш беруші мен қор арасындағы өзара іс-қимылды қамтамасыз ету ниетін білдірген халықтың санаттарымен жұмыс істейтін ҮЕҰ жүзеге асырады.
www.atamekenim.kz сайты қайырымдылық ұйымдарының халықпен жұмыс жасайтын алаңы болып табылады. Сайт eGov.kz электрондық үкімет порталының кейбір мәліметтер базасымен біріктірілген. Алдағы уақытта өтініш берушілердің мәртебесі туралы толық ақпарат алу үшін порталды мемлекеттік және жергілікті атқарушы органдардың барлық қолжетімді деректер базаларымен интеграциялау жұмыстары жүргізілетін болады.
Бүгінгі таңда сайт денсаулық сақтау, білім және ғылым, тұрғын үй, негізгі қажеттіліктер және т.б салаларда жұмыс істейтін 86 қайырымдылық ұйымын аккредитациялады.
Қор аккредиттелген қайырымдылық ұйымдарының саны артады деп күтуде.
Қордың қамқоршылық кеңесі белгілеген әрбір қызметі бойынша демеушілік көмекке жүгінген тұлғалармен және ҮЕҰ-мен өзара іс-қимылдың егжей-тегжейлі ережелерін әзірлеу қажет.
Өтінім Қордың мақсаттары мен міндеттеріне сәйкес келмеген жағдайда қабылданбауы мүмкін екенін ескеріңіз.
Өтініштерді қарау үшін Қор қызметінің әрбір бағыты бойынша Сараптамалық комиссиялар құрылады. Сараптамалық комиссиялардың мүшелері Қор қызметінің бір саласы бойынша сарапшы деп танылған мамандар бола алады.
«Қазақстан халқына» қоры жұртшылықтың пікірін ескере отырып, сараптамалық комиссиялардың құрамын қалыптастыруға мүдделі. Сараптамалық комиссия мүшелеріне арналған ұсыныстарды сайттың «Сарапшылар» бөліміне өтіп жіберуге болады.
Демеушілердің ұсыныстары қайырымдылық шараларына қаражат бөлуге де, қордың әкімшілік шығындарын жабуға да қатысты болуы мүмкін.
Еске сала кетейік, Мемлекет басшысының бастамасымен құрылған «Қазақстан халқына» қоры қиын өмірлік жағдайға тап болған және қолдауды қажет ететін халыққа денсаулық сақтау мен әлеуметтік қорғау саласында тегін көмек көрсетеді. Қор сондай-ақ мүмкіндігі табыстары мен басқа да жағдайларға байланысты шектелген халық топтары үшін әлеуметтік қызметтердің қолжетімділігін қамтамасыз етуге көмектеседі.
Жеке және заңды тұлғалардың барлық қайырымдылықтары тек ерікті негізде жасалады.
821 рет оқылды
