Фото: Әншінің әлеуметтік желідегі парақшасынан
Танымал әнші Қайрат Нұртас отырған көлік жүргізушісі жол ережесін бұзған, - деп хабарлайды "Ұлт ақпарат".
Желіде тараған видеодан әнші отырған көліктің Талдықорған қаласында рұқсат етілмеген жермен кетіп бара жатқанын көруге болады. Бұл жайтқа оқырмандар наразылық білдіріп, ережені бұзған азамат анықталған.
"Mercedes-Benz жүргізушісі Талдықорған қаласында ҚР Жол ережелерін бұзуға жол бергенін хабарлаймыз (Қозғалысқа тыйым салынады).
Жедел-іздестіру іс-шаралары барысында 45 жастағы көлік жүргізушісі Алматы қаласында ұсталып, ҚР ӘҚБтК-нің 601-бабы ("Жол белгілерінде көзделген талаптарды орындамау" – еск.) бойынша әкімшілік жауапкершілікке тартылды. Жетісу полициясы азаматтарға белсенді азаматтық ұстанымы, құқық бұзушылыққа төзбеушілік танытып, құқық қорғау органдарына көмек көрсеткені үшін алғысын білдіреді", - делінген Жетісу облыстық полиция департаменті баспасөз қызметінің хабарламасында.
1934 рет оқылды
