Мемлекеттік кеңесші Ерлан Қарин сарапшылар форумында Қазақстанның саяси трансформациясы тақырыбында сөз сөйледі, - деп хабарлайды Tengrinews.kz.
"Қазір қуатты институттық реформалар жүргізіліп жатыр, оның нәтижесі күшті институттарды қалыптастыруға тиіс. Бірақ құндылықтарды қалпына келтірмей бұл мүмкін емес, бұл - өзара байланысты процестер.
Сондықтан жаңа этика мен жаңа құндылықтарды насихаттау қажет. Президенттің өңірлерге жасаған іс-сапарларында осыған баса назар аударып, еңбек культін, білімнің маңыздылығын, өзара көмек пен ынтымақ құндылығын дәріптеп отыруы бекер емес.
Сондай-ақ, Президент ұлттық бірегейлікке деген жаңа көзқарасты қалыптастырды, оның басты белгісі – көгілдір төлқұжатымыз", - деді ол өз сөзінде.
Қарин Президенттің көк паспорт туралы сөзінде азаматтық бірегейлікке қатысты патриоттық жайлы ой бар екенін айтты.
"Осылайша, Мемлекет басшысы жаңа тұжырымдамалар мен тың идеологияларды талқылауға шығарып отыр", - деп түйіндеді ол.
642 рет оқылды
