Фото ашық дереккөзден алынды
Құқық қорғау органдарының қызметкерлері 25 қазан – Республика күні күшейтілген қызмет режиміне көшеді. Бұл туралы Ішкі істер министрінің орынбасары Игорь Лепеха мәлімдеді, деп хабарлайды Sputnik Қазақстан.
"25 қазан – мемлекеттік мереке. Әрине, біз оған дайындаламыз. Біз күшейтілген қызмет режиміне көшеміз. Қазір әкімдіктерден сол күндері өткізілетін барлық іс-шара туралы ақпаратты сұратып жатырмыз. Біз қоғамдық тәртіптің сақталуын қамтамасыз етеміз", - деді Лепеха Үкіметте өткен брифингте.
Ол әлеуметтік желіде 25 қазан күні көшеге митингке шығуға шақырып жатқан үндеулерге түсініктеме берді.
"ДВК (Қазақстанның демократиялық таңдауы - еск.) мүшелері жасап жатқан үндеулер бар. ДВК – ел аумағында қызметіне тыйым салынған заңсыз экстремистік ұйым. Әрине, біз оларға митинг өткізуге жол бермейміз", - деді министр орынбасары.
Ал митингті әкімдікпен келісіп ұйымдастырған азаматтарды ешкім ұстап әкетпейді.
"Егер митингтің орны мен мақсаты заңнамаға сәйкес келсе, әкімдіктер рұқсат береді. Рұқсат етілген шараларда біз тек қана күзетеміз. Тыйым салынған жерде, әрине, оған жол бермеу бойынша шаралар қабылдаймыз", - деді Лепеха.
550 рет оқылды
_140_110.webp)
