Қазақстандық Halyk Bank, Kaspi және "Қазатомөнеркәсіп" компаниялары Лондон қор биржасында акция саудасының бұғатталуы туралы хабарламаға пікір білдірді, - деп хабарлайды Tengrinews.kz тілшісі.
Бұған дейін әлеуметтік желілерде LSE Лондон қор биржасы Ресей бағалы қағаздарының саудасын тоқтатты деген ақпарат пайда болды. Бұғаттау тізімі FTSE IOB секторынан алынған. Оған Halyk Bank, Kaspi және "Қазатомөнеркәсіп" сияқты қазақстандық компаниялар кіреді. Нәтижесінде Лондон биржасында компаниялардың акциясын сату қиындық туғызған.
"Акцияларымыз жақсы саудаланып жатыр. Лондон қор биржасы сайтынан Kaspi.kz-ке кіруге болады. Бүгін 172 000 акцияны саудалап жатырмыз, 7 миллионға, қазір 17 пайызға пайда таптық", - деді Kaspi Bank баспасөз қызметі өкілдері.
Сондай-ақ, Halyk Bank Лондон қор биржасында саудаға қатысты проблемаларды жоққа шығарды.
Лондон қор биржасында (LSE) сауда қазіргі уақытта Halyk Finance клиенттері үшін компанияның сыртқы брокері арқылы қолжетімді екені айтылды.
"Қазақстандық эмитенттердің Halyk Invest қосымшасында LSE-дегі ҒДҚ бойынша саудаға қолжетімділігі туралы кейінірек хабарланады. Операцияларыңызды жоспарлау кезінде демалыс және мереке күндері қор нарықтарының жұмысы туралы ақпаратты ескеруіңізді сұраймыз", - деді Halyk Bank баспасөз қызметі өкілдері.
"Қазатомөнеркәсіп" ҰАК" АҚ баспасөз қызметі компанияның акциялары Лондон қор биржасында сатылып жатқанын хабарлады.
1023 рет оқылды
