Елімізде коронавирус инфекциясын қоспағанда, жұқпалы аурулар бойынша эпидемиологиялық жағдай тұрақты. Бұл туралы Үкімет отырысында ҚР Денсаулық сақтау министрі Алексей Цой айтты, деп хабарлайды "Ұлт ақпарат".
«Коронавирус инфекциясын қоспағанда, жұқпалы аурулар бойынша эпидемиологиялық жағдай Қазақстан Республикасында тұрақты болып қалуда. 64 инфекциялық ауру бойынша мониторинг жүргізілуде, 2020 жылдың қорытындысына сәйкес 42 инфекция бойынша ауру деңгейі төмендеді», - дейді ҚР Денсаулық сақтау министрі Алексей Цой.
Оның айтуынша, биыл Қазақстан тұрғындары ішінде оба, тырысқақ, іш сүзегі, құтырма, туляремия, Конго-Қырым геморрагиялық қызбасы, дифтерия, сіреспе, қызамық, қызылша, сібір жарасы және безгек ауруымен ауыратындар тіркелген жоқ.
«Өткен жылдың осы кезеңімен салыстырғанда 45 инфекциялық аурумен ауырғандар көрсеткішінің төмендеуі байқалды», - дейді ол.
1025 рет оқылды
_80_80.jpg)
