Фото: ашық дереккөз
Елімізде өзін құмар ойындардан шектеген адамдар саны 150 мыңнан асқан, деп хабарлайды "Ұлт ақпарат" Туризм және спорт министрлігіне сілтеме жасап.
Соның ішінде 149 973 адам онлайн (eGov mobile) өтініш берсе, 3 213 адам жазбаша өтініш қалдырған.
18 наурыздан бастап азаматтарға құмар ойындарға қатысуын 6 айдан 1 жылға дейін өз бетінше шектеуге мүмкіндік беретін онлайн сервис жұмыс істейді. Осы уақыт ішінде өзіне тыйым салғысы келетіндер саны айтарлықтай өсті. Өзін-өзі шектеу тек заңды, лицензиясы бар ойын компанияларына қатысты.
Ranking.kz сарапшыларының бағалауы бойынша қазақстандықтар өткен жылы құмар ойындарға 368,7 млрд теңге жұмсаған. Бес жылдағы жалпы сома 1 триллион теңгеден асты.
1213 рет оқылды
_140_110.webp)
