Лондондағы Әзірбайжан елшілігін діни белсенділер басып алды. Бұл ақпаратты Әзербайжан Сыртқы істер министрлігі растады, деп хабарлайды Ulysmedia.kz.
«2022 жылдың 4 тамызында Әзербайжан Республикасының Ұлыбритания мен Солтүстік Ирландиядағы елшілігіне радикалды топтар шабуыл жасады. Елшіліктің ғимаратына шығып алған радикалдар діни туларын көтеріп шығып, діни ұрандармен айғайлаған», - деп хабарлайды Әзербайжан СІМ.
Іске жергілікті полиция араласқаннан кейін заңбұзушылар ұсталды. Елшілік қызметкерлері зардап шеккен жоқ.
Жергілікті БАҚ-тың хабарлауынша, Әзербайжан елшілігіне шабуылды шейіт экстремистік ұйымы саналатын «Мағди қызметшілер одағы» мойнына алған.
1146 рет оқылды
