ҚР Парламенті Сенатының депутаты Бейбіт Исабаев Қазақстан халқы алдында ант берді, деп хабарлайды ҚазАқпарат.
«Өздеріңізге белгілі, Мемлекет басшысының жарлығымен қаңтар айында Бейбіт Исабаев Сенат депутаты болып тағайындалды.
Бейбіт Өксікбайұлын білікті және тәжірибелі мемлекет қайраткері ретінде жақсы білесіздер. Конституциялық нормаларға сәйкес, жаңадан тағайындалған депутат палата отырысында ант беруі тиіс», - деді Сенат төрағасы Мәулен Әшімбаев.
Сенаттың бүгінгі жалпы отырысында Б. Исабаев депутат ретінде ант берді.
«Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарына қатаң бағынуға, депутаттың өзіме жүктелген мәртебелі міндеттерін адал атқаруға ант етемін», - деді ол.
Айта кетейік, биыл қаңтар айында Бейбіт Исабаев Қазақстан Республикасы Парламенті Сенатының депутаты болып тағайындалды.
Ол Сенаттың Әлеуметтік-мәдени даму және ғылым комитетінің төрағасы лауазымына сайланды.
888 рет оқылды
_80_80.jpg)
