Фото: Ашық дереккөзден
Танымал қоғам қайраткері, философия ғылымдарының докторы, профессор Амангелді Айталы 83 жасында дүниеден озды, деп хабарлайды "Ұлт ақпарат".
Ол 1939 жылы Астрахан облысы Володар ауданы Болдырево ауылында дүние келген. Жоғары оқу орнын Ақтөбеде тәмамдаған.
1964-1967 жылдары қазіргі әл-Фараби атындағы Қазақ ұлттық университетінің аспирантурасында білім алған.
Еңбек жолын мектепте орыс тілі мен әдебиеті мұғалімі болып бастайды.
Ұзақ жылдар білім және ғылым саласында қызмет еткен.
Сондай-ақ, Амангелді Айталы - ҚР Қоғамдық ғылымдар академиясының академигі. 1999-2004 жылдар аралығында екінші шақырылымдағы және 2004-2007 жылдары үшінші шақырылымдағы Парламент депутаты.
Бірнеше ғылыми-көпшілік кітаптың және жүздеген ғылыми мақаланың авторы.
«Құрмет белгісі, «Парасат» ордендерімен марапатталған, Ақтөбе қаласының құрметті азаматы.
847 рет оқылды
