Бас прокуратураның күдігінен кейін 13 қаржылық пирамиданың үстінен сотқа дейінгі тергеу басталды, деп хабарлайды ҚазАқпарат.
Бұл туралы «Киберқадағалау» ақпараттық жүйесінің көмегімен Қаржы пирамидаларын жарнамалайтын 52 сілтеме бұғатталды.
ҚР Бас прокуроры Ғизат Нұрдәулетов Мәжіліс өкілдерінің депутаттық сауалына берген жауабында мәлім етті.
«Заңсыз қаржы операциялары фактілерінің жолын кесу үшін ҚР Қаржы мониторингі агенттігі 2020 жылғы 12 мамырда қаржы пирамидаларының типологиясын, олардың күдік критерийлерін және жұмыс істеу схемаларын түзіп шықты. Негізгі өлшемдер салынған қаражаттан әлдеқада мол табыс уәде ету, әрбір жаңа қатысушы үшін бонустар төлеу сияқты 16 белгіден тұрады», - делінген бас прокурордың жауабында.
Оның айтуынша, Қаржы мониторингісінің субъектілері сол типология бойынша өз клиенттерінің әректін жіті бақылап, күдікті операциялар байқалса, Қаржылық мониторинг агенттігіне хабарлауға міндетті.
«Қаржы пирамидасының белгілері және оларға белгілі бір жеке және заңды тұлғалардың қатысы бар-жоғы расталған жағдайда Қаржылық мониторинг агенттігі құқық қорғау органдарына ақпарат жібереді және бұл туралы Бас прокуратураға хабарлайды. Бүгінгі таңда агенттік жалпы сомасы 4,9 млрд теңге салған 21 салымшыны жолдады. Оның ішінде 10,6 мың салымшының 3,6 млрд теңгесіне иелік еткен 13 қаржы пирамидасының белгілері туралы ақпарат расталды. Сотқа дейінгі тергеу басталды», - деп түйіндеді бас прокурор.
816 рет оқылды
