сурет ашық дереккөзден алынды
Алматыда жас келіншек өзіне қол жұмсады. «Мамыр» шағынауданында болған қайғылы оқиға туралы шаһар тұрғыны, қоғам белсендісі Жібек Әменова әлеуметтік желідегі парақшасында хабарлады.
«Дереу #Немолчи қоры мен құқық қорғаушылардың телефон нөмірлері керек…
Сөз жоқ... Бүгін менің көршім, жас, сұлу келіншек, үш баланың анасы пәтерінде балаларының көзінше асылып қалды... Қашанға дейін жас келіншектер өз-өздеріне қол жұмсай береді?! Оған балалары да араша бола алмай қалды.
Үйдің тұрғындары мен көршілердің айтуынша, ол тұрмыстық зорлық-зомбылыққа жиі ұшыраған... Мен мұны растай алмаймын. Анығын тергеу анықтайды. Алайда адам тектен-текке өз-өзіне қол жұмсамайды ғой.
Қалай десек те, мен бұл жағдайды бақылауға алып, толық тергеу амалдарын жүргізуді талап етемін.
Исламда сүйіп қосылған жарыңды сыйлап, оны қадірлеу – Алла тағаланың бұйрықтарының бірі емес пе?!», – деп жазды ол Facebook-тегі парақшасында.
Алматы полициясы бұл дерек ҚР Қылмыстық кодексінің 105-бабы «Өзiн-өзi өлтiруге дейiн жеткiзу» бойынша соталды тергеудің бірыңғай тізіліміне тіркелгенін мәлімдеді.
«Әуезов аудандық полиция басқармасына қарасты полиция бөлімінің қызметкерлері 1994 жылы туған Б-ның өлімінің себептері мен мән-жайын анықтауға бағытталған кешенді жедел-іздестіру шараларын жүргізіп жатыр. Қылмыстық іс бойынша ҚР ҚПК-нің 201-бабына сәйкес өзге ақпарат тергеу мүддесіне орай жарияланбайды», - деді ведомство өкілдері.
1103 рет оқылды
_140_110.webp)
