Фото: Polisia.kz
Суға батқан баланың өмірін сақтап қалған әйел полиция қызметкері болып шықты.
Оқиға Астанадағы қоғамдық бассейндердің бірінде болды. Бала өмірін құтқару сәті бейнебақылау камерасына түсіп қалған, – деп хабарлайды Polisia.kz сайты.
Видеодан суда ес-түссіз жатқан баланы құтқарушы қыздың шығарып жатқанын байқауға болады. Кейін оны ер адам жерге көтеріп жатқызады. Сол сәтте көмекке демалушы әйелдердің бірі келеді. Ол дереу қимылдармен жүрек-өкпе реанимациясын жасап, баланың тынысын қайтарады.
Бассейн қызметкерлері баланы жедел жәрдем қызметі келгеннен кейін дәрігерлерге тапсырған.
"Қазір оның өмірі мен денсаулығына қауіп төніп тұрған жоқ. Ата-анасы баланы құтқаруға қатысқандардың барлығына алғыстарын білдірді.
Белгілі болғандай, алғашқы медициналық көмек көрсеткен әйелдің есімі - Назым Шәріпова. Ол “Есіл” ауданының полиция басқармасында анықтаушы болып жұмыс істейді. Сол күні полицей отбасымен бірге демалыста болған.
Ол құтқару кезінде балаға зақым келтірмеу үшін ерекше сақтықпен қимылдаған", - делінген хабарламада.
Фото: Polisia.kz
714 рет оқылды
_140_110.webp)
