видео кадры
Алматыда виза ала алмаған клиент турфирма қызметкерінің басына қайшы лақтырып, жаралаған, - деп хабарлайды Tengrinews.kz сайты.
Зардап шеккен Мария АҚШ пен Германияға виза алу үшін құжаттарды дайындауға көмектескенін айтты. Екі жақтан да оң жауап ала алмаған қыз Үндістанға тегін виза алып беруді талап етеді.
"Оған Германия бағытында жұмысты жалғастыруды ұсындық, бұл оңайырақ болар еді. Ол келісті, сонымен қатар Үндістанға тегін виза алуға көмек сұрады. Виза мақұлданды, бірақ бұл оған жеткіліксіз болды. Ол консулдық алымдарға жұмсалған жарты миллионды төлеуді талап ете бастады, бірақ менің жұмысым небәрі 90 мың теңге тұрады. Жұма күні ол кеңсеге келіп, менеджерді сауалнаманы өшіруге мәжбүрлеп, сұрамай файлдан құжаттарын алып кеткен. Сосын мені алаяқтық үшін сотқа берді", - дейді жәбірленуші.
Мария қыздың мақсаты оны ашуландыру болғанын айтады. Жанжал кезінде клиент оған кеңсе заттарын лақтыра бастаған. Сол жерде қайшы да болған, ол турагенттің басына қадалып қалған.
"Мен басымнан қайшыны өзім суырып алдым. Жедел жәрдем мен полицейлер келгенде, ол мен өзімді-өзім жаралағанымды айтты. Көп қан кетті, жарамды тікті. Күнде таңғышты ауыстыруға барамын. Қыз оранған, соған қарамастан осындай сұмдық істерге барады", - дейді жәбірленуші.
Алматы Полиция департаменті бұл деректі Алмалы аудандық әкімшілігінің полиция бөлімі тіркеп, тергеу жүргізіп жатқанын айтты. Әйелдің жарақатының ауырлығын анықтау мақсатында сот-медициналық сараптама тағайындалған. Іс-шаралар кешенінің қорытындысы бойынша шешім қабылданады.
528 рет оқылды
_140_110.webp)
