Алматыда 6 жасар бала "Майнкрафт" ойынының салдарынан ауруханаға түскен. Бұл туралы балалар психиатры Ольга Александрова айтты, - деп хабарлайды Massaget.kz порталы.
"Ол кезде бала 6 жаста еді. Ол осы ойынды ойнап, содан кейін YouTube көрген. Ақыр аяғында балада қорқыныш пайда болды, түнде ұйықтай алмады. Бұл ойын оны қорқыта бастады. Ұйықтай алмады, мүлде тамақ жемеді. Тиісінше, баланың психикасы нашарлай бастады. Ата-анасы оны бізге емдеуге алып келді. Біз оған дәрі-дәрмек бердік, психологтар жұмыс істеді. Оның жүйке жүйесі қалыпқа келе бастады", - деді дәрігер.
Психиатр балаларға арналған гаджеттердің зияны туралы айтты. Маманның сөзінше, кейінгі жылдары смартфон ойындарына шамадан тыс құмарлық салдарынан кішкентай балалардың дамуы тежеуілдеп қалған жағдай жиілеп кеткен.
"Дәрігер ретінде баланы ойындардан шектеуге кеңес беремін. Қазір аутизмге шалдыққандар саны артқаны айтылып жүр. Ата-ана балаға қанша айдан бастап телефон беретінін білесіз бе? Жөргектен бастап. Неліктен ол сөйлеп үйренеді? Ол сол виртуалды әлемде өмір сүреді, оған сол әлем әлдеқайда қызық болса, ол неге одан әрі дамығысы келеді? Бұл жерде аутизм емес, телефонға тәуелділік", - дейді балалар психиатры.
1618 рет оқылды
