Hor mýzykasy boiynsha dúniejúzilik simpoziýmy (WSCM) 25-30 sáýirde Stambulda ótedi. Túrkiia Respýblikasy Mádeniet jáne týrizm ministrligi uiymdastyratyn simpoziým Stambuldaǵy Beioǵly aýdanynyń tarihi oryndarynda, ásirese, Atatúrik mádeni ortalyǵynda álemniń eń úzdik hor ujymdary men tájiribeli mamandardyń basyn qosady.
Kongress týrizmi (MICE) boiynsha álemdegi jetekshi qalalardyń biri retinde Stambul jyl saiyn túrli sharalar uiymdastyrady. Halyqaralyq hor mýzykasy federatsiiasynyń (IFCM) sońǵy alty jyldaǵy eń úlken sharasy sanalatyn Dúniejúzilik hor mýzykasy simpoziýmy (WSCM) – solardyń biri. 25-30 sáýir aralyǵyna josparlanǵan simpoziým pandemiiadan keiingi alǵashqy álemdik baiqaý retinde tarihta qalady.
Biylǵy Dúniejúzilik hor mýzykasy simpoziýmynyń taqyryby – “Kókjiekti keńeitý”. Jer sharyndaǵy barlyq ult pen ulysqa tán án aitý dástúrin qurmetteý, álemniń ártúrli aimaqtaryn bir birine tanystyrý jáne hor mýzykasynyń barynsha ártúrli balamalaryn qamtý – basty maqsat.
Kongress týrizminde kóp jyldyq tájiribesi bar Stambýl Beioglynyń kórnekti jerlerine bes kontinenttegi 28 túrli elden 50-den astam baiandamashy, myńnan astam sýretshi jáne 2000-nan astam qatysýshynyń basyn qosyp, ortaq jobalardy júzege asyrýdyń joldaryn qarastyrady.
Ystambuldyń kórnekti jáne tarihi oryndarynda umytylmas kontsertter Simpoziým baǵdarlamasynda hor mýzykasynyń ártúrli stilderi men dástúrleri usynylǵan. Túrkiiadan jáne shetelden kelgen ártisterge arnalǵan birqatar kontsertter, kórmeler, sheberlik sabaqtary men is-sharalardan turatyn shara mádenietter men órkenietterdi biriktirýge yqpal etedi. Simpoziýmǵa Túrkiiadan 30-dan astam hor jáne shetelden arnaiy shaqyrylǵan 11 hor qatysady. Túrik jáne sheteldik hor ujymdary Beioglýdyń Galat Mevlevi úii, Áýlie Antýan shirkeýi jáne Grand Pera siiaqty kórikti tarihi oryndarynda ár kesh saiyn 40-tan astam qoiylym kórsetedi.
Dúniejúzilik hor simpoziýmy sheńberinde Atatúrik mádeni ortalyǵynyń dańqty sahnasynda Estoniiadan Gremmi syilyǵyn alǵan Estoniia filarmoniiasynyń kameralyq hory, Indoneziiadan Bataviia Madrigal ánshileri, Livannan Faiha ulttyq hory, Djordjiia memlekettik ýniversitetiniń ánshileri óner kórsetedi. AQSh-tan jáne Gabonnan Le Chant Sýr La Loý, sondai-aq Ispaniiadan Leioia Kantika Korala, Pýerto-Rikodan Orfeon San-Hýan Baýtista, Shvetsiiadan Sofiia Vokalensambl, Taivandan Taibei filarmoniiasynyń kameralyq hory, Kanadadan Vankýver jastar hory jáne Túrkiiadan memlekettik hor. Keshki kontsertter barysynda shaqyrylǵan hor ujymdary «Ózgeretin kókjiekter» taqyrybymen Simpoziýmǵa arnaiy jazylǵan shyǵarmalardyń premeralaryn oryndaidy.
Dúniejúzilik hor simpoziýmynyń baǵdarlamasy týraly qosymsha aqparatty myna silteme arqyly tanysýǵa bolady:
