Elimiz úshin mańyzy erek «Bolashaq energiiasy» jobasyn tamashalaýǵa Ońtústik Qazaqstan oblysynan baratyn 4 myńǵa jýyq oqýshynyń alǵashqy legi keshe Shymkent qalasynan Astanaǵa jolǵa shyqty.
Ul dala tórinde ótip jatqan EKSPO-2017 halyqaralyq mamandandyrylǵan kórmesine Zhana Talap týristtik agenttigi uiymdastyrǵan 4 kúndik týrǵa alǵashqy 150 oqýshy ketti. Balalardy Shymkent qalasynyń temir jol vokzalynan qalalyq bilim bóliminiń basshysy Janat Tajieva men ata-analary, ustazdary men dostary aq jol tilep shyǵaryp saldy. Shyǵaryp salý saltanatynda ulttyq aspaptardyń súiemeldeýimen Oqýshylar saraiynyń kórkem ónerpazdar ujymy oqýshylarǵa jolashar arnaý aitty. «Altyn ǵasyr» tobynyń oryndaýynda arman qala - Astana jaily ásem án shyrqaldy.
Is-shara qorytyndysynda qala mektepteri oqýshylarynyń qatysýymen «EKSPO. Armanǵa sapar» fleshmop uiymdastyryp, aspanǵa sharlar ushyrdy. Óńirdegi áleýmettik az qamtylǵan otbasy balalary men oqýda ozat, qoǵamdyq jumystarǵa belsene qatysqan jáne bilimi men ónegeli tárbiesi úshin oqýshylarǵa memleket jáne demeýshiler esebinen EKSPO-2017 kórmesine 3 750 oqýshyǵa joldama berilgen bolatyn.
