Sáken Seifýllin 1894 jyly Qaraǵandy oblysy Aqadyr aýdany Qarashilik qystaǵynda dúniege kelipti. Seifolla men Jamaldyń jeti perzentiniń tuńǵyshy ‒ osy Sádýaqas. Sákenniń sońynan Málik, Áben, Májit atty inileri, Rahima, Salima, Qalima atty qaryndastary dúniege kelgenimen, qaryndastarynyń úsheýine de kóz tiip, erte qaitys bolǵan eken.
Sáken Seifýllin qandai qyzmetter atqardy?
Ol «Eńbekshi qazaq» gazetiniń redaktory, halyq aǵartý komissarynyń orynbasary, Qazaq Halyq komissarlary Keńesiniń tóraǵasy, Qazaqstan proletar jazýshylary assotsiatsiiasynyń basshysy, BK (b) P Qazaqstan Ólkelik Komitetiniń partiia tarihy bóliminiń meńgerýshisi, Qyzylordadaǵy halyq aǵartý institýtynyń, Tashkenttegi qazaq pedagogikalyq institýtynyń direktory, «Jańa ádebiet» jýrnalynyń redaktory, Qazaq memlekettik institýnyń dotsenti, «Ádebiet maidany» jýrnalynyń redaktory, Qazaqstan kommýnistik jýrnalistika institýtynyń professory qyzmetterin atqarǵan.
S.Seifýllin proza, dramatýrgiia, ádebi syn, ádebiettaný salalarynda da qalam tarty.
Til týraly maqalalary
Qazaq Halyq Komissarlary Keńesiniń tóraǵasy qyzmetine kirisken kezinde, Sáken Seifýllin til máselesin tý qylyp kótergen biregei azamat. Aqyn Úkimet basyna kelgennen- aq, qazaq tiliniń memlekettik mártebege ie bolýyna kóp kúsh jumsaǵan adam.
1923 jyly «Eńbekshi qazaq» gazetine «Keńse isterin qazaq tilinde júrgizý kerek», «Keńselerde qazaq tilin júrgizý», «Qazaqstannyń gýberniialyq hám ýezdik ispolkom tóraǵalarynyń qulaqtaryna» atty til máselesine arnap maqalalar jariialaidy. Sonymen qatar «Qazaqty qazaq deiik, qateni túzeiik» degen maqalasynda da memleketti «qyrǵyz» dep emes, «qazaq» dep óz atymen ataý jóninde sóz qozǵaidy. Sóitip, 1925 jylǵa deiin Kirgiziia bolyp kelgen memleket, Sákenniń arqasynda Qazaq ataýyn qaitaryp aldy. Jalpy, is qaǵazdaryn qazaqsha júrgizý, sonymen qatar qazaq jastaryn qazaqsha oqýǵa alǵashqy bolyp ún qosqan osy kisi.
Tipti, til problemasyn sheshýde «orynsyz tartynshaqtap, saqtyq jasaisyz»,- dep Atqarý Komitetiniń tóraǵasy Seitqali Meńdeshevke de renjip, qatty aitady.
Qazirgi, elimizdi basqaryp otyrǵan, qurmetti, azamatymyz da jasqanshaqtyqtan, tartynshaqtyqtan arylsa eken deimiz! Aiyp etpesin.
Nátijesinde 1923 jyly 22 qarashada KirTsik qazaq tiliniń memlekettik mártebesi jóninde arnaiy dekret qabyldaidy. Búginde ol dekrettiń kóshirmesi aqynnyń murajaiynda saqtaýly tur.
Sákentanýshy ǵalym Tursynbek Kákishevtiń aitýynsha, qazaq tilin memlekettik tilge ainaldyrý týraly Sáken aǵamyz onǵa jýyq maqala jazypty. Eń sońǵy maqalasy aýdan, oblys basshylaryna arnalǵan «Ashyq hat». Onda «Isti- memlekettik tilde júrgizý» jaiynda qatty aitylǵan eken.
Kórdińiz be, osydan júz jyl buryn, qazaqtyń qazaq bolyp qalýyna, qazirgidei máńgúrttenip ketpeýine, qanshalyqty qajyr- qairatyn jumsap, alańdap atsalysqan.
Qazirgi basshylar osy Uly adamdai bolsaishy. Namysyzdyq bilegen zaman ǵoi!
