Resei tarapynan Aqtóbe oblysy baǵytynda uzyn-sonar kólik keptelisi paida boldy, dep habarlaidy ult.kz KTK telearnasyna silteme jasap.
Shekaradan ótýdi qalaǵan azamattar saǵattap kezek kútýge májbúr. Qazaqstandyq qyzmetter buǵan ózderiniń qatysy joq ekenin aityp, qiyndyqtar Resei aýmaǵyndaǵy ótkizý beketinde týyndaǵanyn málimdedi.
Qosymsha júktemeni mereke aldyndaǵy kólik aǵyny da kúsheitip otyr. Keibir jolaýshylar aptap ystyqta uzaq kútýdi kótere almai, kólikterin tastap ketýde. Olar shekarany jaiaý kesip ótip, arǵy betten saparlaryn jalǵastyrý úshin taksi izdeýge májbúr.
Mamandardyń aitýynsha, ótkizý pýnktindegi jaǵdai jaqyn arada retteledi.
Aqtóbe oblysy boiynsha Memlekettik kirister departamenti:
"Atalǵan kólik keptelisi Resei Federatsiiasy tarapynan baiqalyp otyr. Bul, eń aldymen, Qurban ait merekesi qarsańynda Ortalyq Aziia respýblikalary azamattarynyń – eńbek migranttarynyń – óz elderine oralýymen bailanysty. Sonymen qatar, júk jáne jeńil kólikterge arnalǵan bólek qozǵalys jolaqtarynyń bolmaýy da kólik jinalýyna sebep bolyp otyr."
