رەسەي تاراپىنان اقتٶبە وبلىسى باعىتىندا ۇزىن-سونار كٶلٸك كەپتەلٸسٸ پايدا بولدى, دەپ حابارلايدى ult.kz كتك تەلەارناسىنا سٸلتەمە جاساپ.
شەكارادان ٶتۋدٸ قالاعان ازاماتتار ساعاتتاپ كەزەك كٷتۋگە مەجبٷر. قازاقستاندىق قىزمەتتەر بۇعان ٶزدەرٸنٸڭ قاتىسى جوق ەكەنٸن ايتىپ, قيىندىقتار رەسەي اۋماعىنداعى ٶتكٸزۋ بەكەتٸندە تۋىنداعانىن مەلٸمدەدٸ.
قوسىمشا جٷكتەمەنٸ مەرەكە الدىنداعى كٶلٸك اعىنى دا كٷشەيتٸپ وتىر. كەيبٸر جولاۋشىلار اپتاپ ىستىقتا ۇزاق كٷتۋدٸ كٶتەرە الماي, كٶلٸكتەرٸن تاستاپ كەتۋدە. ولار شەكارانى جاياۋ كەسٸپ ٶتٸپ, ارعى بەتتەن ساپارلارىن جالعاستىرۋ ٷشٸن تاكسي ٸزدەۋگە مەجبٷر.
مامانداردىڭ ايتۋىنشا, ٶتكٸزۋ پۋنكتٸندەگٸ جاعداي جاقىن ارادا رەتتەلەدٸ.
اقتٶبە وبلىسى بويىنشا مەملەكەتتٸك كٸرٸستەر دەپارتامەنتٸ:
"اتالعان كٶلٸك كەپتەلٸسٸ رەسەي فەدەراتسيياسى تاراپىنان بايقالىپ وتىر. بۇل, ەڭ الدىمەن, قۇربان ايت مەرەكەسٸ قارساڭىندا ورتالىق ازييا رەسپۋبليكالارى ازاماتتارىنىڭ – ەڭبەك ميگرانتتارىنىڭ – ٶز ەلدەرٸنە ورالۋىمەن بايلانىستى. سونىمەن قاتار, جٷك جەنە جەڭٸل كٶلٸكتەرگە ارنالعان بٶلەك قوزعالىس جولاقتارىنىڭ بولماۋى دا كٶلٸك جينالۋىنا سەبەپ بولىپ وتىر."
