Premer-ministrdiń orynbasary – mádeniet jáne aqparat ministri Aida Balaeva qaýipsizdik, ekologiia jáne infraqurylym sapasyna qoiylatyn zamanaýi talaptardy eskere otyryp, Almaty Superski jobasynyń Qazaqstannyń týrizm salasyn damytýdaǵy mańyzyn atap ótti, dep habarlaidy ult.kz.
Aida Balaeva búginde týrizm jumyspen qamtýǵa, shaǵyn jáne orta biznestiń damýyna, investitsiia tartýǵa, qyzmet kórsetý sapasyna jáne eldiń halyqaralyq imidjine yqpal etetin strategiialyq mańyzdy salalardyń birine ainalǵanyn atap ótti. 2024 jyly Qazaqstanǵa 15,3 mln adam kelgen, al ishki týrister sany 10,5 mln adamdy qurady. Bul byltyrmen salystyrǵanda 900 myń adamǵa kóp. Mundai kórsetkishter týrizm ekonomikanyń naqty ósim núktesine jáne eldi halyqaralyq deńgeide tanytýdyń mańyzdy quraldarynyń birine ainalǵanyn kórsetedi.
Sońǵy jyldary tabiǵi, ekologiialyq jáne taý týrizmi erekshe qyzyǵýshylyq týdyrýda. Tek 2024 jyly ǵana Qazaqstannyń ulttyq parkterine 2,8 mln adam keldi, bul 2023 jylmen salystyrǵanda 18% - ǵa artyq.
«Eger buryn mundai demalysty arnaiy týrister men taý shańǵysy áýesqoilary jii tańdaityn bolsa, búginde tabiǵi aýmaqtar jappai baratyn orynǵa ainalady. Adamdar ol jerge demalys kúnderi jaiaý júrý úshin, belsendi demalys jáne tabiǵat aiasyna qysqa ýaqytqa shyǵyp qaitý úshin barady»,
— dep atap ótti Aida Balaeva.
