Astana ákimdigi Qurban ait merekesi kezinde qurbandyq shalýǵa arnalǵan arnaiy oryndardyń tizimin jariialady. Qurban shalý rásimi 27-29 mamyr aralyǵynda ótedi, dep habarlaidy ult.kz.
Qala meshitterinde ait namazy 27 mamyr kúni tańǵy saǵat 06:00-de oqylady. Al qurban shalý rásimi kún saiyn saǵat 07:00-den 18:00-ge deiin tek resmi belgilengen oryndarda júrgiziledi.
Ákimdik turǵyndardy sanitarlyq, epidemiologiialyq jáne veterinarlyq talaptardy qatań saqtaýǵa shaqyrdy. Mamandar et ónimderin tek senimdi oryndardan satyp alyp, saqtaý talaptaryna mán berýge keńes beredi. Sondai-aq mal soiǵannan keiingi qaldyqtardy turmystyq qoqys konteinerlerine tastaýǵa bolmaityny eskertildi.
Qurbandyq shalýǵa ruqsat etilgen oryndar:
Baiqońyr aýdanynda:
«Shanhai» bazary — Alash tas joly, 34/6;
«Barakat» bazary — A kóshesi, 369/10;
«Jailaý» bazary — Alash tas joly, Ts kóshesi, 313;
«Sháýshen» sharýa qojalyǵy — Alash tas joly, 136B.
Almaty aýdanynda:
«Et-Han» et dúkeni — Jeleznodorojnyi turǵyn alaby, Aqjar kóshesi, 20.
Ákimdik belgilengen aýmaqtardan tys jerde qurbandyq shalýǵa ruqsat etilmeitinin málimdedi.
