«Qazaqmys» korporatsiiasynyń Basqarma tóraǵasy Rýslan Óskenáli Qytai Halyq Respýblikasyna jumys sapary aiasynda aspan asty eliniń jetekshi ónerkásiptik jáne tehnologiialyq kompaniialarynyń ókilderimen birqatar kezdesý ótkizdi. Qytaidaǵy zamanaýi metallýrgiialyq kásiporyndardyń biri – Hýbei provintsiiasynda ornalasqan Daye Smelter mys balqytý zaýytyna barý baǵdarlamanyń negizgi tarmaqtarynyń biri boldy, dep habarlaidy ult.kz.
Sapardyń negizgi maqsaty – kompaniianyń óndiristik aktivterin jańǵyrtýda, energiia tiimdiligin arttyrýda jáne ónerkásiptik qaýipsizdik júiesin damytýda qoldanýǵa bolatyn tiimdi tehnologiialyq sheshimder men halyqaralyq tájiribeni zerdeleý boldy.
Energetikalyq jabdyq pen ónerkásiptik sheshimderdiń iri óndirýshileriniń biri – CNPC (Jichai Power Company) kompaniiasynyń ókilderimen ótken kelissóz mańyzdy kezdesýlerdiń biri boldy. Taraptar avtonomdy generatsiia, ónerkásiptik energetika jáne óndiristik nysandardyń energiia tiimdiligin arttyrý salalaryndaǵy tehnologiialardy, sondai-aq olardy «Qazaqmys» kásiporyndarynda qoldaný múmkindigin qarastyrdy.
Foto: Qazaqmys
Álemniń ártúrli elderinde jobalaryn júzege asyryp otyrǵan halyqaralyq taý-ken metallýrgiialyq toby – CNMC (NFC) kompaniiasymen ózara yntymaqtastyq máselesine erekshe nazar aýdaryldy. Kezdesý barysynda tehnologiialyq áriptestik máselesi, tájiribe almasý, óndiristik úderistiń tiimdiligin arttyrý jáne ónerkásiptik qaýipsizdik júiesin damytý máseleleri talqylandy.
Sapar aiasynda Qazaqmys delegatsiiasy Daye Smelter (Yangxin Hongsheng Smelter) zaýytyndaǵy óndiristik úderistiń uiymdastyrylýymen, avtomattandyrý, energiia tiimdiligi jáne ónerkásiptik qaýipsizdik salalaryndaǵy sheshimdermen, sondai-aq zamanaýi óndiristik jáne tabiǵatty qorǵaý tehnologiialarmen tanysty.
Foto: Qazaqmys
Jumys saparynyń baǵdarlamasy Qytaidyń ónerkásiptik kompaniialarymen, jabdyq jetkizýshilerimen jáne áleýetti tehnologiialyq áriptestermen ótetin kezdesý seriiasymen jalǵasady.
Kompaniiada mundai halyqaralyq sapar Qazaqmystyń ónerkásiptik nysandaryn odan ári jańǵyrtýda, óndiristik úderistiń turaqtylyǵy men kásiporyndardyń tiimdiligin arttyrýda qoldanylýy múmkin úzdik salalyq tájiribe men zamanaýi tehnologiialyq sheshimderdi zerdeleýge múmkindik beretini aityldy.
Foto: Qazaqmys
