Memleket basshysy Qasym-Jomart Toqaev Semei qalasynyń ákimi Ermak Sálimovti qabyldady, dep habarlaidy Aqorda.
Qasym-Jomart Toqaevqa Semei qalasynyń áleýmettik-ekonomikalyq damýy, halyqtyń ál-aýqatyn arttyrý baǵytynda atqarylyp jatqan sharalar týraly baiandaldy.
Kezdesýde toqtap turǵan kásiporyndardy iske qosý, atap aitqanda, teri-jún kombinatynyń jumysyn qaita júrgizý máselesi qarastyryldy. Sonymen qatar radiologiialyq ortalyqty paidalanýǵa berý men jańa mekteptiń qurylysy, jol jóndeý jumystary men kóshelerdiń abattandyrylýy sóz boldy.
Prezident Abaidyń 175 jyldyǵyna arnalǵan mereitoilyq sharalardy sapaly ári shetelden mamandar tartpai uiymdastyrýdy tapsyrdy.
Memleket basshysy Semeige tarihi ortalyq mártebesin berý jóninde mańyzdy qadam jasalǵanyn atap ótip, onyń mýzeiler jumysynyń sapasyn arttyrýǵa jáne qalanyń kórikti jerlerin abattandyrýǵa baǵyttalǵan tiisti sharalar qabyldaýdy talap etetinin aitty. Atalǵan nysandar týrister men qala qonaqtary úshin tartymdy bolyp, qyzmet etýi tiis.
Qasym-Jomart Toqaev Ermak Sálimovke volonterler qozǵalysymen birlesip, «Semei ormany» aýmaǵynda aǵash egý jumystaryn uiymdastyryp, bul aktsiiaǵa jastardyń qatysýyn qamtamasyz etý qajettigin aitty.
