Memleket basshysy Qasym-Jomart Toqaev Tokio gýbernatory Iýriko Koikeni qabyldady, dep habarlaidy ult.kz.
Prezident Tokio gýbernatorynyń sapary Qazaqstan men Japoniia arasynda ornaǵan keńeitilgen strategiialyq seriktestiktiń 10 jyldyǵy qarsańynda ótip jatqanyn, munyń simvoldyq máni bar ekenin atap ótti.
Qasym-Jomart Toqaev Iýriko Koike jetekshilik etken Tokionyń álemdegi eń qaýipsiz, taza ári tiimdi basqarylatyn megapolisterdiń birine ainalǵanyn aitty. Memleket basshysy Iýriko Koikeni jahandyq deńgeidegi bedeldi saiasatker retinde atap, onyń el damýyna sińirgen eńbegine joǵary baǵa berdi. Sondai-aq Prezident Qazaqstan halqynyń ony elimizdiń dosy ári senimdi seriktesi retinde tanitynyn aityp, qazaq tarihy men mádenietin nasihattaýǵa qosqan úlesi eki el arasyndaǵy yntymaqtastyqty nyǵaita túsetinin jetkizdi.
Prezident Japoniiaǵa byltyr jasaǵan resmi saparyn yqylaspen eske alyp, sonyń nátijesinde ekijaqty qarym-qatynas jańa ári sapaly deńgeige kóterilgenine nazar aýdardy.
«Men Tokionyń «Aqyldy qala» baǵdarlamasymen tanystym. Bul bizdiń qyzyǵýshylyǵymyzdy týdyrdy. Sebebi elimizde de Smart City tujyrymdamasyn ilgeriletip otyrmyz. Sizdiń Astanaǵa kelgen saparyńyz paidaly bolaryna senimdimin. Óitkeni biz yntymaqtastyqty odan ári nyǵaitýǵa jáne megapolisti basqarý tájiribesin zerdeleýge yntalymyz» , – dedi Qasym-Jomart Toqaev.
Iýriko Koike Memleket basshysyna kórsetilgen qonaqjailyq úshin alǵys aityp, Qazaqstandaǵy reformalarǵa joǵary baǵa berdi. Onyń sózinshe, elimiz ekonomikalyq ósim, jasandy intellekt, tsifrlandyrý jáne investitsiia tartý baǵyttaryn belsendi damytyp keledi. Sondai-aq ol Qazaqstannyń Ortalyq Aziiadaǵy Eýropa men Aziiany bailanystyratyn basty ekonomikalyq hab retindegi róli kúsheiip kele jatqanyn atap ótti.
Prezident pen gýbernator tsifrlyq tehnologiia, innovatsiia, halyqaralyq qarjy jáne bilim berý sekildi negizgi salalarda seriktestik ornatý múmkindigin qarastyrdy.
Kezdesý sońynda Qasym-Jomart Toqaev Qazaqstan men Japoniia arasyndaǵy dostyq bailanystardy nyǵaitýǵa eleýli úles qosqany úshin Iýriko Koikeni I dárejeli «Dostyq» ordenimen marapattady.
