Ońtústik Qazaqstanda jyl sońyna deiin 61 eldi mekende geologiialyq izdeý-barlaý jumystary bastalyp, 19 eldi mekenniń jer asty sý qory bekitilmek, dep habarlaidy "Ult aqparat" oblys ákiminiń baspasóz qyzmetine silteme jasap
Qazirgi tańda óńirimizde jer asty sý qoryn bekitýdi qajet etetin 383 aýyldyń 244 eldi mekeninde atalǵan jumystar atqarylǵan. Oblystyń 2016-2020 jyldarǵa arnalǵan damý baǵdarlamasyna sáikes, 2020 jylǵa deiin jer asty sý qory bekitilgen eldi mekender sanyn 383-ke jetkizý josparlanýda. Bul týraly oblystyq energetika jáne turǵyn úi-kommýnaldyq sharýashylyǵy basqarmasy basshysynyń orynbasary Á.Ábdiqadyrov habarlady.
Sonymen qatar, «Óńirlerdi damytýdyń 2020 jylǵa deiingi» memlekettik baǵdarlamasy aiasynda, 2017 jyly aýyz sýmen qamtamasyz etý salasynda 26 nysannyń qurylysyna 3,1 mlrd. teńge bólingen. Bul qarjyǵa, negizinen, sý qubyry múldem joq 10 eldi mekenge (iaǵni, 12 335 myń halyq) jańa aýyz sý qubyrlarynyń qurylysy júrgizilip, paidalanýǵa berý josparlansa, 3 eldi mekendegi (6,2 myń halyq) tozyǵy jetken aýyz sý júieleri jańartylady.
Nátijesinde, oblystyń aýyz sýmen qamtamasyz etý deńgeii qalalarda – 94,2 % (1204,3 myń adam), aýyldyq eldi mekenderde - 74,2 % (620 e.m.) jetkizý josparlanýda.
Budan bólek, oblystyń Qazyǵurt, Saryaǵash jáne Maqtaaral aýdandarynyń 800 myńnan asa halqyn sapaly aýyz sýmen qamtý ózekti másele bolyp otyr. Bul máseleni sheshý maqsatynda Ógem ózeninen kólemi sekýndyna 3-3,5 m3-qa deiin sýdy buryp, aýyz sý retinde paidalaný qarastyrylýda.
