Foto: Mádeniet jáne aqparat ministrligi
2025 jyldyń 1 sáýirinde QR Mádeniet jáne aqparat ministrliginiń qoldaýymen Roza Baǵlanova atyndaǵy «Qazaqkontsert» memlekettik kontserttik uiymynyń Ortalyq kontsert zalynda kórnekti kompozitor, kúishi, dirijer Nurǵisa Tilendievtiń 100 jyldyǵyna arnalǵan «Álqissa-Nurǵisa» mereitoilyq kontserti ótedi, dep habarlaidy Ult.kz.
Is-sharany Jambyl atyndaǵy Qazaq memlekettik akademiialyq filarmoniiasy men Roza Baǵlanova atyndaǵy «Qazaqkontsert» memlekettik kontserttik uiymy uiymdastyrady.
Keshte «Otyrar sazy» akademiialyq-folklorly etnografiialyq orkestriniń kórkemdik jetekshisi jáne bas dirijeri, Qazaqstannyń eńbek sińirgen qairatkeri, «Parasat» jáne «Qurmet» ordenderiniń kavaleri Dinzýhra Nurǵisaqyzy Tilendieva, sondai-aq, Qazaqstannyń eńbek sińirgen qairatkerleri Svetlana Aitbaeva, Jubanysh Jeksenuly, Azamat Jyltyrkózov, Nurjan Janpeiisov, halyqaralyq jáne respýblikalyq baiqaýlardyń laýreattary Ferýza Rahmetova, Artýr Ǵabdiev, Rasýl Jarmaǵambet, Daiana Tilendieva men tanymal ánshi Qazybek Quraiysh jáne E.Rahmadiev atyndaǵy memlekettik akademiialyq filarmoniiasynyń simfoniialyq orkestriniń kórkemdik jetekshisi, Qazaqstannyń Halyq ártisi Abzal Muhitdin men B.Baiqadamov atyndaǵy Memlekettik hor kapellasy óner kórsetedi.
B.Baiqadamov atyndaǵy memlekettik hor kapellasynyń kórkemdik jetekshisi jáne bas dirijeri, Qazaqstannyń eńbek sińirgen qairatkeri Beiimbet Demeýov.
Dara tulǵanyń mereitoiy el sheńberinde ǵana emes, IýNESKO, TÚRKSOI siiaqty halyqaralyq uiymdardyń deńgeiinde atalyp ótedi.
Kontsertte elimizdiń eń úzdik ártisteri óner kórsetedi. Keshte Nurǵisa Tilendievtiń ánderi oryndalyp, qazaq mýzykasynyń altyn qoryna engen týyndylar shyrqalady.
Elorda turǵyndary men qonaqtary halyqtyń ystyq yqylasyna bólengen ánderdi tyńdai alady. Kontsertte erekshe baǵdarlamalar usynylady.
Nurǵisa Tilendievtiń qazaq mýzykasynyń damýyna qosqan úlesi orasan zor. Onyń shyǵarmalary el mádenietiniń asyl murasyna ainaldy.
