Foto: Aqorda
Memleket basshysy Joǵary aýditorlyq palata tóraǵasy Álihan Smaiylovty qabyldady, dep habarlaidy "Ult aqparat" Aqordaǵa silteme jasap.
Álihan Smaiylov Toqaevty Joǵary aýditorlyq palatanyń biylǵy II toqsandaǵy jumysynyń qorytyndysymen tanystyrdy.
Aitýynsha, kólik salasyna, sondai-aq Abai, Jetisý, Ulytaý, Almaty oblystarynyń biýdjetterine jáne qazaqstandyqtardy dári-dármekpen qamtamasyz etý júiesine aýdit júrgizildi. Sonymen qatar jalpy somasy 2,9 trillion teńgeden astam qarjy jumsalǵan 73 nysan tekserildi. Nátijesinde 39 milliard teńgeden astam qarajattyń zańsyz jumsalǵany anyqtalǵan.
Joǵary aýditorlyq palata tóraǵasy kemshilikterdi joiý úshin kólik salasyn damytý, biýdjettik-investitsiialyq jobalardy iske asyrý, otandyq farmatsevtika ónimderin óndirýshilerdi memleket tarapynan qoldaý tetigin qaita qaraý jóninde usynystar ázirlengenin aitty. Sondai-aq memlekettik aýdit júiesin reformalaý jónindegi usynystar toptamasyn tanystyryp, biyl ekinshi jartyjyldyqta júrgiziletin aýditorlyq is-sharalar týraly baiandady.
Atap aitqanda, Nazarbaev Ýniversiteti, "QazMunaiGaz" UK" AQ qyzmeti, sot júiesi, aýyl sharýashylyǵyndaǵy, óńdeý ónerkásibindegi jáne qurylystaǵy jekelegen baǵyttarǵa tekserý júrgiziledi.
Qasym-Jomart Toqaev biýdjet qarajaty men memleket aktivteriniń paidalanylýyn múltiksiz baqylaýdy qamtamasyz etýdi tapsyrdy. Sondai-aq jalpy memlekettik aýdit júiesiniń tiimdiligin odan ári arttyrýǵa erekshe mán berý kerek ekenin aitty.
