Foto: ashyq derekkóz
Ulttyq «Qazaqfilm» kinostýdiiasy ataqty otandyq qylmystyq drama «Qyzǵylt qoian týraly hikaianyń» remeikin túsiredi, dep habarlaidy Ult.kz.
15 jyl buryn qazaqstandyq rejisser Farhat Sháripovtyń filmi otandyq kórermender arasynda, ásirese jastar arasynda úlken tanymaldylyqqa ie bolǵan edi. Jobany qaita jańǵyrtý ulttyq kinostýdiia men Tiger Films prodiýserlik kompaniiasynyń seriktestigi arqasynda múmkin boldy.
Film túsirilimderi sáýir aiynyń sońynda – mamyr aiynyń basynda bastalady. Kórermenderge jeltoqsan aiynda usynylady.
Ekinshi bólim boiynsha tolyq málimet berilmedi, biraq stýdiia ókilderiniń aitýynsha, bul joly siýjet bas keiipkerler — Erlan, Loko jáne Djekidiń balalaryna arnalǵan. Stsenariiin Serjan Serikpai men Samat Syrjan ázirleýde.
Eki tabysty kinokompaniianyń yntymaqtastyǵy Qazaqstannyń janrlyq kinosyn odan ári damytýǵa serpin beredi dep kútilýde.
Eske sala keteiik, «Qyzǵylt qoian týraly hikaia» filmi aýyldan Almatyǵa kelgen stýdent Erlannyń hikaiasyn baiandaidy. Ol bai-baǵlandardyń ortasyna túsip, shym-shytyryqqa tap bolady. Bul ortada óz zańdary men tártipteri bar, oǵan namysyn qoldan bermeý úshin kóp nárseni qaitadan bastaýǵa týra keledi.
