«Qazmedia Ortalyǵynda» Aýyl sharýashylyǵy ministrliginiń bastamasymen agroónerkásip kesheni forýmynyń alǵashqy kúni ótti.
Forým aiasynda aýyldaǵy úkimettik emes uiymdardy (ÚEU) damytý máseleleri boiynsha «Azamattyq qoǵam jáne memleket: seriktestik, dialog jáne jaýapkershilik» atty respýblikalyq konferentsiia uiymdastyryldy.
Sondai-aq shara aiasynda aýyldyq ÚEU Koalitsiianyń quryltai konferentsiiasy men tuqym ósirý sharýashylyǵyn damytý boiynsha dialog alańy ótkizildi.
Atalǵandarmen qosa agroónerkásip kesheniniń salalyq, aimaqtyq jáne infraqurylymdyq baǵdarlamalary, agrarlyq ǵylym men biznesti biriktirý boiynsha birqatar sessiialar uiymdastyryldy.
Jerdi tiimdi paidalaný boiynsha sessiiada moderator retinde M.Taijan sóz sóiledi.
Qoǵam belsendileriniń bastamashyl tobynyń atynan sóz sóilegen ol tek Qazaqstan turǵyndary úshin jekemenshik múlik institýtynyń ornyna jalǵa alý institýtyn engizýdi, biryńǵai agrarlyq salyqty ornatyp, jerdi jerserik arqyly baqylaýdy zańdastyrýdy usyndy. Jinalǵandar ony tolyq qoldady.
Sharany qorytyndylai kele, QR Aýyl sharýashylyǵy vitse-ministri B.Bisenǵaliev QR Jer kodeksine engizilip otyrǵan túzetýler qoǵam belsendileriniń qatysýymen jáne jazylǵan sharalardy kezeń-kezeńmen iske asyrý arqyly ótetinin aitty.
