Foto: Instagram.com
Otandyq ónerpaz Aleksandr Lim «Novaia volna – 2025» halyqaralyq jas oryndaýshylar baiqaýynda jeńimpaz atandy. Ol – osy festivalde jeńiske jetken alǵashqy qazaqstandyq, dep habarlaidy Ult.kz.
Ártis áleýmettik jelilerde kaver-videolarymen tanymal boldy. Ánshi orys, aǵylshyn, italian, túrik jáne basqa tilderde hit ánderdi oryndap, videolary myńdaǵan qaralym jinaǵan.
2018 jyly Aleksandr «I’m a singer Kazakhstan» baiqaýyna qatysyp, jartylai finalǵa jetti. 2021 jyly ol tanymal «Golos Ýkrainy» shoýyna qatysyp, Nadejda Dorofeevanyń jetekshiligimen jasyryn tyńdalymnan sátti ótip, nokaýt kezeńine deiin óner kórsetti.
Sondai-aq taǵy bir qazaqstandyq oryndaýshy Ernazar Juban da júldeli orynǵa ie boldy. Ótken jyly ol Vitebsk qalasynda ótken «Slavian bazary» halyqaralyq vokal baiqaýynda birinshi oryndy jeńip alǵan edi. Ánshi «Novaia volna» dodasynda laiyqty óner kórsetip, úshinshi orynǵa ie boldy.
