Qazaqstan men Ispaniia arasyndaǵy saiasi konsýltatsiialar Madridte jalǵasady. Bul týraly Ispaniia Koroldigi Syrtqy ister, Eýropalyq odaq jáne yntymaqtastyq ministrliginiń memlekettik hatshysy Kristina Gaiak aitty, dep habarlaidy QazAqparat.
Aita keterligi, búgin elordada Qazaqstan Syrtqy ister ministrligi men Ispaniia Koroldigi Syrtqy ister, Eýropalyq odaq jáne yntymaqtastyq ministrligi arasynda saiasi konsýltatsiialardyń 6-raýndy ótip jatyr.
«Biz qarym-qatynastarymyzdy barynsha damytyp, durys jolǵa túsire aldyq. Osy rette QR Premer-Ministriniń orynbasary - Syrtqy ister ministrin Ispaniiaǵa saparmen kelýge shaqyramyn jáne jaz aiynda ol sapardyń oryn alaryna úmittenemin. Sol kezde búgingi talqylaýlarymyzdy, ekijaqty qarym-qatynastyń ózge de máselelerin talqyǵa salar edik», - dedi ol saiasi konsýltatsiialar aiasynda BAQ ókilderine arnalǵan baspasóz máslihaty barysynda.
Sonymen qatar Qazaqstanda ispan investitsiia salynǵan kóptegen kásiporyn jumys isteitindigin ekijaqty saýda-sattyq da jasqy damyǵandyǵyn atap ótti.
«Ispaniia Qazaqstannyń senimdi saýda seriktesteriniń biri sanalady jáne aldaǵy ýaqytta da osy qarym-qatynasymyzdyń óristei túsetindigine senim artamyz. Buǵan qosa, búgingi konsýltatsiialar barysynda Qazaqstan men Eýropalyq odaq arasyndaǵy qarym-qatynasty da talqyǵa salamyz. Bul oraida Qazaqstannyń EO-men qarym-qatynasty tereńdetý ustanymyna qoldaý bildiremiz», - dedi Kristina Gaiak.
