Elimizde zańdy jáne jeke tulǵalarǵa deklaratsiia tapsyrý merzimi 30 kúnge uzartylady, dep habarlaidy "Ult aqparat" Memlekettik kirister komitetine silteme jasap.
«Elimizde tótenshe jaǵdaidyń engizilýine bailanysty zańdy jáne jeke tulǵalarǵa deklaratsiia tapsyrý merzimi tótenshe jaǵdaidyń ýaqytyna sáikes kelgendikten, ol 30 kúntizbelik kúnge, iaǵni 2020 jyldyń 30 sáýirine deiin uzartylady», delingen habarlamada.
Alaida, salyq eseptiligi nysandaryn elektrondy túrde tapsyrý qajet.
«Osylaisha, 2020 jyldyń 30 sáýirine deiin tapsyrylǵan elektrondy deklaratsiialar ýaqytynda tabys etilgen bolyp sanalady.
Bul uzartýlar 2019 jyldyń 100.00, 110.00, 150.00, 180.00, 220.00, 230.00, 240.00, 700.00, 860.00, 870.00, 871.00, 912.00, 920.00 nysandaryna qatysty qoldanylady», delingen habarlamada.
Komitettiń málimetinshe, merzimniń uzartýyna qatysty salyq tóleýshige qandai da bir qosymsha ótinish pen habarlama joldaýdyń qajeti joq.
Sondai-aq. 1 sáýir men 30 sáýir aralyǵynda tapsyrylǵan nysandar boiynsha ákimshilik jaýapkershilikke tartý máselesi qarastyrylmaidy.
