QR Parlamenti Májilisiniń tóraǵasy Nurlan Nyǵmatýlin Elbasy Nursultan Nazarbaevtyń jariialaǵan maqalasyna qatysty pikir bildirdi, dep habarlaidy QazAqparat.
«Búgin barsha respýblikalyq aqparat quraldarynda Tuńǵysh Prezidenttiń arnaiy úndeýi jariialandy. Bul úndeý Elbasy Nursultan Ábishuly Nazarbaevtyń árqashanda halqymen birge ekenin kórsetip, halqymyzdyń yntymaǵyn odan ári nyǵaitýǵa serpin beredi. Sebebi Elbasynyń kóregen saiasatynyń arqasynda Táýelsizdik jyldary birligimiz artyp, elimizde iri saiasi, ekonomikalyq, áleýmettik reformalar jasalyp, Qazaqstanymyz barlyq salada zor tabystarǵa jetti», - dedi N. Nyǵmatýlin Májilistiń jalpy otyrysynda.
Sonymen qatar ol elimizdiń halqy kómekpen qamtylatynyn atap ótti.
«Sonymen birge, bolashaqqa arnalǵan Ulttyq qorymyz da bar. Bul qazirgi kúrdeli kezeńde halqymyzdy, árbir azamatty jan-jaqty qoldaýǵa múmkindik berip otyr. Biz birlikti, kelisimdi, turaqtylyqty saqtap, ýaqytsha qiyndyqtan aman-esen shyǵatyn bolamyz», - dedi Májilis tóraǵasy.
Aita keteiik, QR Tuńǵysh Prezidenti – Elbasy Nursultan Nazarbaevtyń «Birlese bilgen el bárin jeńedi» atty maqalasy jariialandy.
«Qazaqstan qaýipti derttiń aldyn alýǵa álem elderiniń eń alǵashqylarynyń biri bolyp kiristi. Tiisti saqtandyrý sharalary jasaldy. Memlekettik organdar arnaýly daiyndyqtan ótkizildi. Ózge elderde virýs qalai paida bolyp, pandemiia qalai órbip, órshigeni baqylandy. Sonyń nátijesinde indettiń etek alyp ketýine múmkindiginshe jol berilmei, ahýal kún saiyn turaqty nazarda ustalyp otyr. Jaǵdaidy ońaltý úshin kóp jumys isteldi, áli de talai sharýa atqarylatyn bolady. Igi maqsattaǵy is-sharalardyń bárine jer-jerlerde búkil halyq bolyp qoldaý kórsetkenimiz jón», - dedi Elbasy.
.jpeg)