«Tsifrlyq saýattylyq arqyly jergilikti turǵyndar elektrondy saýdany meńgere alatyn bolady. Biz jergilikti ákimdikpen jumys tobyn qurdyq. Osylaisha, turǵyndarǵa onlain-saýdany qalai meńgerýge bolatynyn úiretý ústindemiz. Sonymen qatar, ol seminarda tapsyrys qabyldaý men tapsyrys berýdi baiandaidy. Qazirgi tańda 1500-ge jýyq adam oqytyldy. Elektrondyq kommertsiia týraly aitý úshin ári ketse 20-30 minýt ǵana ketedi. Onyń barlyǵy aýditoriianyń belsendiligine bailanysty. Eger de turǵyndardyń suraǵy kóbirek bolsa 40 minýtqa deiin ýaqyt alady», - dedi M. Seitova.
Sondai-aq, ol jaqyn arada ashylatyn jańa jobalar men jumystardy baiandady. «Jaqyn ýaqytta eksport mektebin ashqymyz keledi. Onyń maqsaty – jergilikti kásipkerlerge onlain-saýdanyń qalai jasalatynyn jáne sheteldik kompaniialarmen qalai bailanysýǵa bolatynyn úiretý», - dep atap ótti ol.
Áńgime barysynda Mahabbat Seitova tsifrlandyrýdyń jumysty jeńildetýdegi ornyna airyqsha toqtalyp, kóptegen keleńsizdikterdi joiýda alar ornyn basa aitty.
«Bizdiń baǵyttarymyzdyń biri - logistikalyq infraqurylymdy modernizatsiialaý. Osy rette, drondar iske qosylyp, aýyldaǵy aǵaiynǵa gazet-jýrnal nemese taýarlardy jetkizip beredi. Osylaisha avtomobil joldary nashar aimaqtarǵa drondar taýarlardy ózderi aparady. Bul protsess isimizdi jeńildetip otyr», - dedi «Qazposhta» AQ Mańǵystaý oblystyq filialynyń direktory.
Aita keteiik, elimizdegi «Qazposhta» AQ arqyly buryn kúnine 10 myń júk tasymaldansa, qazir bir kúnde 120 myń júk joldanady. Sonymen qatar, Qazaqstandaǵy elektrondyq kommertsiianyń 70 paiyzy Qazposhtanyń úlesine tiedi eken. Statistikalyq málimetterge súiensek, elimizde 1 millionnan asa adam onlain-saýdany tutynady eken. Sonymen qatar, atalǵan kompaniia elektrondyq saýdany damytý maqsatynda «AliExpress» atty álemdik alpaýyt kompaniiamen kelisimge kelgen. Kún ótken saiyn engizilip jatqan jańa tsifrlyq tehnologiialar Qazposhtanyń tynysyn keńeitip, halyq suranysyn arttyryp jatyr. Qazirgi tańda kompaniia el aýmaǵyn tutastai internetpen qamtyp, zamanaýi tehnologiialardy engizý arqyly jańa jumystardy qolǵa alý ústinde eken.
