Sýret: Bolashak.gov.kz
«Halyqaralyq baǵdarlamalar ortalyǵy» AQ «Bolashaq» baǵdarlamasy stipendiiasy iegerleriniń tizimin jariialady, dep habarlaidy "Ult aqparat".
«2024-2025 akademiialyq jylǵa arnalǵan úkimetaralyq granttar sheńberinde Vengriianyń jetekshi joǵary oqý oryndarynda oqýǵa arnalǵan qazaqstandyqtardyń túpkilikti tizimi jariialandy. Teń ballmen jetim balalarǵa, bala kezinen múgedekterge jáne múgedek balalarǵa, kóp balaly otbasylardan shyqqan balalarǵa, aýyldyq eldi mekenderden kelgen úmitkerlerge artyqshylyq berildi. Bilim berý granttaryn berý týraly túpkilikti sheshimdi qabyldaýshy tarap qabyldady. Grant oqý aqysyn, stipendiiany, jataqhanada turýdy nemese jalǵa beriletin turǵyn úige aqy tóleýdi, sondai-aq meditsinalyq saqtandyrýdy qamtidy. Qosymsha shyǵyndardy grant iegerleri óz betinshe óteidi»,-delingen habarlamada.
Tizimdi aktsionerlik qoǵamnyń resmi saitynan kórýge bolady.
Respýblikalyq komissiianyń sheshimimen 184 otandasymyzǵa «Bolashaq» stipendiiasy taǵaiyndaldy. Olar magistratýra jáne doktorantýra baǵyttary boiynsha álemniń úzdik ýniversitetterinde bilim alady.
