Búgin Atyraýda qazaqtyń uly aqyny degen qurmetti atqa ie bolǵan Memlekettik syilyqtyń jáne táýelsiz «Tarlan» syilyǵynyń iegeri, Qazaqstannyń Halyq jazýshysy Qadyr Myrza Áli atyndaǵy mádeniet jáne óner ortalyǵynyń «Dala didary» atty kóshpeli óner ujymy Atyraý qalasyna kelip kórermen kózaiymyna ainaldy. Shara ortalyqtyń «Qadyr jolymen...» jobasy aiasynda uiymdastyrylǵan. Keshte aqynnyń shyǵarmashylyǵy shyrqaldy.
Shara aqynnyń shyǵarmashylyǵyna arnalǵan video-rolikten bastaldy. Sodan soń Qadyr Myrza Áliniń sózine jazylǵan «Aqjaiyq», Qazaqtardy sheteldik qonaqtarǵa tanystyrý», «Áje týraly án», «Tamasha» sekildi taǵy da basqa ánderi shyrqalyp, óleńderi oqyldy.
Sharaǵa oblys ákimi Nurlan Noǵaev arnaiy keldi.
“Shyǵarmashylyqta júrgen azamattar zamanynan oza týady deidi. Moiyndamai, túsinbei, biraq ómirden ótkennen keiin, san jyldardan, ǵasyrlardan soń ǵana jurt onyń ne aitqysy kelgenin túisinip jatady. Biraq Qadyr aǵamyz ózin tiri kezinde moiyndatqan jan, jazǵan dúnieleri qansha ýaqyt ótse de ózektiligin joǵaltpaidy”, – dedi ol.
Oblys ákimi jobany uiymdastyrýshy ortalyq direktory Baýyrjan Haliollaǵa Qadyr aqynnyń shyǵarmashylyǵyn nasihattaýda atqaryp júrgen eńbegi úshin alǵys aityp, mundai keshterdi kóptep ótkizý qajettigin jetkizdi.
Atalmysh kesh búgin Mahambet aýdanynda da ótti. Shyǵarmashylyq ujym erteń oblystaǵy Jylyoi aýdanyna bet túzemek.
